ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានលើកឡើងពីការរឹតត្បិតសេរីភាពរបស់សម្ដេច ដោយសារការរក្សាសន្ដិសុខ ដែលធ្វើឱ្យសម្ដេចមានអារម្មណ៍ថាគ្មានឯកជនភាពផ្ទាល់ខ្លួន។
សម្ដេចតេជោបានរម្លឹកពីការធ្វើដំណើរឯកជនមួយរបស់សម្ដេចកាលពីដើមខែមេសា ទៅខេត្តកែបដែលត្រូវបានក្រុមការងារសន្ដិសុខរៀបតម្រាក្បួនសម្រាប់ការពារសម្ដេចចាប់តាំងពីខេត្តកណ្ដាលរហូតដល់ខេត្តកែប ថែមទាំងរៀបចំឧទ្ធម្ភាគចក្រត្រៀមថែមទៀត។
សម្ដេចថាហាក់បីដូចជាគ្មានសេរីភាពសូម្បីតែការងារឯកជន ខណៈសម្ដេចថាចាប់ពីពេលនេះទៅសម្ដេចនឹងមិនបញ្ចេញការងារឯកជនឱ្យក្រុមសន្ដិសុខដឹងមុននោះទេ។
សម្ដេចតេជោថ្លែងក្នុងពិធីកាត់សីម៉ាវិហារថ្មីនៃវត្តបារមីវង្គតបុរី ភ្នំពេញ នៅក្នុងសង្កាត់ទួលគោក ខណ្ឌសែនសុខ រាជធានីភ្នំពេញ ព្រឹកថ្ងៃទី២៤ ខែមេសា ឆ្នាំ២០២៣នេះ៕
